दुधेबावी ता. फलटणमधे पार पडला अनोखा वृक्षारोपणाचा कार्यक्रम

फलटण प्रतिनिधी- 1 जुलै जागतिक डॉक्टर्स दिवसाचे औचित्य साधून भवानी माता मंदीर परिसर, दुधेबावी, ता.फलटण.जि.सातारा येथे नेचर अँड वाईल्डलाईफ वेल्फेअर सोसायटी,फलटण यांच्या विद्यमाने डोंगर परिसरात स्थानिक देशी झाडांचे वृक्षारोपण इंडियन मेडिकल असोसिएशनचे डॉक्टर्स, फलटण डॉक्टर्स असोसिएशन, व आकांशा क्लासेस फलटणचे शिक्षक आणि विद्यार्थी तसेच वृक्षमित्र सचिन सोनवलकर यांच्या संयुक्त सहभागातून करण्यात आले.

नेचर अँड वाईल्डलाईफ वेल्फेअर सोसायटी,फलटणच्या वतीने माहिती देताना सांगण्यात आले की हे वृक्षारोपण स्थानिक व निसर्गाला पुरक अश्या झाडांच्या बियांचे संकलन करुन, त्यांचे रोपे बनवून अश्या परिसरात रोपण करण्यात आली की, त्या रोपांचे नैसर्गिक वास्तव्य आणि पर्यावरणाचा समतोल राखला जाईल.
यामध्ये प्रामुख्याने वृक्षारोपणा विषयी माहिती देताना वृक्षप्रेमींना आवाहन करण्यात आले की, प्रामुख्याने स्थानिक देशी व निसर्गाला पुरक अशा वृक्षांचेच वृक्षारोपण मोठ्या प्रमाणात करण्यात यावे. तरी अशा स्थानिक देशी झाडांचे वृक्षारोपण व संवर्धन जे वृक्षप्रेमी करु इच्छीतात त्यांनी आमच्या संस्थेशी संपर्क साधावा असे आवाहन करण्यात आले आहे.
संपर्क क्र :-
7588532023