युवा उद्योजक दिगंबर लाळगे यांचा वाढदिवस दिव्यांग शाळेतील मुलांना खाऊचे व शालेय साहित्याचे वाटप करून साजरा

फलटण प्रतिनिधी- सामाजिक क्षेत्रात सक्रिय राहुन काम करणारे युवा उद्योजक दिगंबर लाळगे यांनी आपला वाढदिवस महात्मा शिक्षण संस्था संचलित मूकबधिर विद्यालयातील दिव्यांग मुलांना खाऊचे वाटप व शालेय साहित्याचे वाटप करुन साजरा केला.

आजचा युवक कोठेही पार्टी करणे अथवा रात्री अपरात्री चौकात केक कापणे त्यापेक्षाही कितीतरी पटीने या प्रशालेतील मुलांबरोबर वाढदिवस साजरा करून आनंद मिळतो. आज कालची तरूणाई वाढदिवसासाठी पार्ट्यांमध्ये हजारो रूपयांचा चुराडा करतात ही बाब खेदजनक आहे. उलट तरूण मुलांनी सामाजिक कार्यात सहभागी होऊन समाजातील दुर्लक्षित व उपेक्षित वंचित दिव्यांग मुलांच्यात जावुन वाढदिवस साजरा करणे हे तरूणाईला खरोखरच प्रेरणादायी ठरेल यात काही शंका नाही. आणि नेमका तोच आदर्श दिगंबर लाळगे यांनी आपला वाढदिवस साजरा करून समाजातील तरुण मुलांच्या समोर ठेवला आहे.

यावेळी महात्मा शिक्षण संस्थेचे कार्यकारी अध्यक्ष कृष्णाथ उर्फ दादासाहेब चोरमले, महात्मा शिक्षण संस्थेच्या सचिव सौ. वैशाली चोरमले मूकबधिर विद्यालयाच्या मुख्याध्यापिका सौ. वैशाली शिंदे, उपशिक्षिका सौ. विजया मठपती उपशिक्षका सौ.हेमा गोडसे, व निर्मला चोरमले, प्रयाग सामाजिक संस्थेच्या अध्यक्षा प्रिती भोजने, दिपक मदने इ.मान्यंवर यावेळी उपस्थित होते.