नालंदा ऑर्गनायझेशन तर्फे देण्यात येणारा आदर्श सरपंच पुरस्काराने सौ.सुषमा संतोष जगताप सन्मानित

फलटण प्रतिनिधी आस्था टाईम्स- पुणे येथील  नालंदा ऑर्गनायझेशन तर्फे दिला जाणारा आदर्श सरपंच पुरस्कार घाडगेमळा तालुका फलटण या गावच्या  सरपंच सौ. सुषमा संतोष जगताप यांना देण्यात आला आहे.

पुणे येथील नवी पेठ येथील पत्रकार भवनात झालेल्या कार्यक्रमात या पुरस्काराचे वितरण करण्यात आले. नालंदा संस्थेने सन २०२४ सालापासून गाव पातळीवर सर्वेक्षण करून सुषमा संतोष जगताप यांची या पुरस्कारासाठी निवड केल्याची माहिती संस्थेचे श्रीकांत जायभाय यांनी दिली. याप्रसंगी प्रशासन अधिकारी डॉ. शेषराव हिम्मतराव पाटील, आय. एफ. एस. अधिकारी. श्री. जितेंद्र तुळशीराम दाते चेअरमन ए. आर. जे. ग्रुप प्रा. मनोज शिवाजी वाबळे अध्यक्ष शब्दधन सोशल फाउंडेशन, महाराष्ट्र राज्य आदी मान्यवर उपस्थित होते.

सौ. सुषमा संतोष जगताप यांना आदर्श सरपंच पुरस्काराने सन्मानित करण्यात आल्याबद्दल महाराष्ट्र राज्य विधान परिषदेचे माजी सभापती श्रीमंत रामराजे नाईक निंबाळकर, सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर, फलटण तालुका कृषी उत्पन्न बाजार समितीचे सभापती श्रीमंत रघुनाथराजे नाईक निंबाळकर व माजी आमदार दिपक चव्हाण इत्यादी मान्यवरांनी त्यांचे अभिनंदन केले आहे.