फलटण तालुका काँग्रेसचे अध्यक्ष महेंद्र बेडके सूर्यवंशी यांची सातारा जिल्हा समन्वय व सनियंत्रण समितीच्या सदस्यपदी निवड

फलटण प्रतिनिधी-फलटण तालुका भारतीय राष्ट्रीय काँग्रेस पक्षाचे तालुकाध्यक्ष महेंद्र सुभाषराव बेडके सूर्यवंशी यांचीसातारा जिल्हा समन्वय व सनियंत्रण समिती (दिशा समिती) च्या सदस्यपदी नुकतीच निवड करण्यात आली आहे.

माढा लोकसभा मतदारसंघाचे खासदार धैर्यशील मोहिते पाटील यांच्या शिफारशीनुसार दिशा समितीच्या सदस्यपदी नियुक्ती झाली असून दिशा समितीचे अध्यक्ष खासदार छत्रपती उदयनराजे भोसले सहअध्यक्ष खासदार धैर्यशील मोहिते पाटील, सदस्य खा. नितीन काका पाटील तसेच मुख्य कार्यकारी अधिकारी जिल्हा परिषद सातारा सदस्य दिशा समिती व सचिव म्हणून जिल्हाधिकारी हे काम पाहणार आहेत.
केंद्र शासनाच्या विविध योजनांची प्रभावी अंमलबजावणी करणे हे कमिटीचे प्रमुख कामे आहेत. मुख्यता जलजीवन मिशन, प्रधानमंत्री आवास योजना, मनरेगा कामे, प्रधानमंत्री ग्रामसडक योजना, शिक्षण, आरोग्य व विविध योजना प्रभावीपणे राबविण्यासाठी ही समिती काम करणार आहे.
महेंद्र बेडके यांच्या निवडीचे सर्व स्थरातून अभिनंदन होत आहे.