फलटण येथील पॉकेट कॅफे समोर श्रीसंत गजानन महाराज प्रकट दिनानिमित्त विविध कार्यक्रमाचे आयोजन

फलटण प्रतिनिधी- संत गजानन महाराज यांचा १४६ वा प्रकट दिन आज साजरा होत आहे. यानिमित्त शेगावमध्ये राज्यभरातून सातशेहून अधिक दिंड्यांचे आगमन झाले आहे. टाळ मृदंगाच्या गजराने शेगाव नगरी दुमदुमली आहे.याचाच एक भाग म्हणून फलटण येतील डी.एड. चौकातील पॉकेट कॅफे समोर श्रीसंत गजानन महाराज यांचे सुंदर पण छोटेसे मंदिर उभे करण्यात आले असून या मंदिराची थोडक्यात पार्श्वभूमी अशी आहे की, या ठिकाणी अशोक जोशी व मुधोजी हायस्कूलच्या शिक्षिका जोशी मॅडम या त्या ठिकाणी राहत होत्या त्यांच्या घरामध्ये गेल्या कित्येक वर्षापासून श्रीसंत गजानन महाराज यांचा प्रकट दिन साजरा केला जात होता. ज्यावेळी सदरची जागा जोशी मॅडम यांनी राहुल भोई यांना विकत दिली त्यावेळी त्यांनी राहुल भोई यांना सांगितले होते की, या ठिकाणी श्रीसंत गजानन महाराज यांचे जागृत देवस्थान आहे. आम्ही आजपर्यंत त्यांची पूजाअर्चा आजपर्यंत करीत आलो आहोत. आपणही ती अशीच पुढे चालू ठेवावी असे राहुल भाऊ यांना सांगितले होते. या भावनेतून राहुल भोई आणि अजय शितोळे रावसाहेब यांनी या मंदिराची गेल्या दोन महिन्यापूर्वी पुनर्बांधणी व विधीवत पूजाअर्चा करून प्राणप्रतिष्ठापना करण्यात आली होती.

यानंतर आज या ठिकाणी राहुल भोई अजय शितोळे व त्यांच्या मित्रमंडळींच्या सहकार्यातून आज श्री संत गजानन महाराज यांचा प्रकट दिन मोठ्या प्रमाणावर साजरा करण्यात आला.

यावेळी सातारा जिल्हा परिषदेचे माजी अध्यक्ष श्रीमंत संजीवराजे ना. निंबाळकर, फलटण नगर परिषदेचे माजी नगराध्यक्ष तथा श्री सद्गुरू उद्योग समूहाचे सर्वेसर्वा दिलीपसिंह भोसले, विशाल कणसे, गरुड रावसाहेब, छत्रपती शिवाजी माध्यमिक व ज्युनिअर कॉलेजचे माजी प्राचार्य देशपांडे सर, युवा नेते रणजितसिंह भोसले, महात्मा शिक्षण संस्थेचे कार्याध्यक्ष दादासाहेब चोरमले, फलटण नगरपरिषदेच्या माजी नगरसेविका सौ वैशाली चोरमले, विद्यानगर गृहनिर्माण सोसायटीचे व्हाईस चेअरमन आकाश कदम, उद्योजक सुरेश शिंदे, महाराष्ट्र नवनिर्माण सेनेचे जिल्हा उपाध्यक्ष युवराज शिंदे, शेतकरी संघटनेची युवा नेते धनंजय महामुलकर त्याचबरोबर शिवसेनेचे जिल्ह्याचे नेते विराज खराडे. अविनाश शेवाळे,  इत्यादी मान्यंवर या प्रसंगी उपस्थित होते.

श्रीसंत गजानन महाराज यांच्या प्रकट दिनानिमित्त आज या ठिकाणी अनिल महाराज व भरत कापसे यांच्या भजनी मंडळाचा कार्यक्रम आयोजित करण्यात आला होता. यानंतर श्रीसंत गजानन महाराज यांच्या मूर्ती मूर्तीची विधिवत पूजा अजय शितोळे यांच्या शुभ हस्ते करण्यात आली. तर महात्मा शिक्षण संस्थेचे कार्याध्यक्ष दादासाहेब चोरमले व त्यांच्या पत्नी फलटण नगरपरिषदेच्या नगरसेवक सौ. वैशाली चोरमले यांच्या शुभहस्ते श्रीसंत गजानन महाराज यांची आरती करण्यात घेण्यात आली.
श्रीसंत गजानन महाराज यांच्या प्रकट दिनानिमित्त संयोजकांच्या वतीने महाप्रसादाचे आयोजन करण्यात आले होते. याचा असंख्य भाविक भक्तांनी लाभ घेतला.