फलटण प्रतिनिधी – महात्मा शिक्षण संस्था संचलित मूकबधिर विद्यालयांमध्ये जेष्ठ कवयित्री सौ. रुचा भल्ला यांच्या शुभहस्ते
७६ व्या प्रजासत्ताक दिनानिमित्त ध्वजारोहणाचा कार्यक्रम संपन्न करण्यात आला.
याप्रसंगी श्री. बिरदेव देवस्थान ट्रस्टचे उपाध्यक्ष प्रा. दत्ता चोरमले, सचिव सुरेश चोरमले, विश्वस्त अविनाश चोरमले, राजू चोरमले, नेताजी चोरमले, सुनील चोरमले, राजेंद्र चोरमले, बंडोपंत चोरमले महात्मा शिक्षण संस्थेचे कार्यकारी अध्यक्ष दादासाहेब चोरमले, सचिव सौ.वैशाली चोरमले, मुख्याध्यापक वैशाली शिंदे इत्यादी मान्यंवर याप्रसंगी उपस्थित होते.
यावेळी बोलताना ऋचा भल्ला म्हणाल्या की दिव्यांग शाळेमध्ये प्रजासत्ताक दिनानिमित्त झेंडा ध्वजारोहण करण्याचा आनंद काही वेगळाच असून आज मला माझ्या शालेय जीवनातील आठवणी या निमित्ताने जागृत झाल्या. हा राष्ट्रीय कार्यक्रम माझ्या दृष्टीतून खूप अभिमानास्पद असून या ठिकाणी आल्यानंतर इथला परिसर पाहून खूप खूप समाधान झाल्याचे ही शेवटी त्यांनी सांगितले.
यावेळी शाळेतील विद्यार्थ्यांनी देश प्रेमावर आधारित एक ॲक्ट केला.प्रारंभी कार्यक्रमाचे प्रास्ताविक संस्थेचे कार्याध्यक्ष दादासाहेब चोरमले यांनी केले तर आभार प्रदर्शन सचिव सौ.वैशाली चोरमले यांनी केले.
