ताथवडा येथे प्राथमिक आरोग्य केंद्रात महिलांसाठी मोफत आरोग्य, कर्करोग, शुगर इ. तपासणी शिबिराचे आयोजन – ला.जगदिश करवा

फलटण प्रतिनिधी –  लायन्स क्लब, फलटण, ऑन्को केअर ट्रस्ट, ऑन्कोलाईफ कॅन्सर सेंटर, शेंद्रे आणि आरोग्य विभाग, सातारा जिल्हा परिषद यांच्या संयुक्त विद्यमाने गुरुवार दिनांक. 27 फेब्रुवारी रोजी सकाळी 10:00 ते दुपारी 2:00 वाजेपर्यंत फलटण तालुक्यातील ताथवडा प्राथमिक आरोग्य केंद्रात महिलांसाठी मोफत आरोग्य, कर्करोग, शुगर इ. तपासणी शिबिराचे आयोजन करण्यात आले होते अशी माहिती लायन्स क्लब फलटणचे अध्यक्ष ला. जगदीश करवा यांनी दिली आहे.

या शिबिरात ताथवडा गाव आणि परिसरातील एकूण 81 लाभार्थ्यांची मिशन तेजस्विनी उपक्रमामार्फत मोफत कर्करोग तपासणी करण्यात आली. त्यापैकी एकूण 6 संशयित रुग्णांना ऑन्कोलाईफ कॅन्सर सेंटर येते मोफत वैद्यकीय चाचणी आणि उपचार करण्यात येणार आहेत. यावेळी ऑन्कोलाईफ कॅन्सर सेंटर चे विभाग प्रमुख डॉ अर्जुन शिंदे, डॉ मनीषा मगर आणि त्याची संपूर्ण टीम, लायन्स क्लब फलटण चे ला. जगदीश कारवा, ला. रणजीत बर्गे, प्रा. आरोग्य केंद्र, ताथवडा चे मेडिकल ऑफिसर डॉ पूनम शिंदे आणि त्यांचे सहकारी उपस्थित होते.