कराड नगर परिषदेचे स्वच्छता निरीक्षक मुकेश अहिवळे यांची फलटण नगर परिषदेच्या आरोग्य निरीक्षकपदी बदली

फलटण आस्था टाईम्स वृत्तसेवा – फलटण नगरपरिषदेच्या आस्थापना विभागात कार्यरत असणारे मुकेश यांची नुकतीच आरोग्य निरीक्षक म्हणून निवड झाली होती. यानंतर मुकेश अहिवळे कराड नगर परिषदेमध्ये आरोग्य निरीक्षक म्हणून कार्यरत होते. कराड नगरपरिषदेमधून त्यांची नुकतीच फलटण नगर परिषद येथे आरोग्य निरीक्षक म्हणून बदली झाली आहे.

मुकेश अहिवळे कराड नगरपरिषद येथे आरोग्य विभाग प्रमुख म्हणून काम करीत असताना कराड शहरास स्वच्छ सर्वेक्षण २०२४-२०२५ मध्ये संपूर्ण देशात पन्नास हजार ते तीन लाख लोकसंख्या कॅटेगरी मध्ये द्वितीय स्थान मिळवून देण्यात महत्त्वाची भूमिका बजावली होती.
सदरचा पु‌रस्कार देशाच्या महामहीम राष्ट्रपती यांच्या हस्ते स्विकारण्यासाठी दिल्ली येथे नगर विकास राज्यमंत्री महाराष्ट्र राज्य व कराड नगरपरिषदेचे मुख्याधिकारी यांच्या समवेत मुकेश अहिवळे मंचावर उपस्थित होते.
श्री.मुकेश अहिवळे यांची बदली फलटण नगरपरिषद येथे विशेष बदली आदेशान्वये झाली आहे. तरी आता फलटण शहराचाही स्वच्छ सर्वेक्षण मध्ये देशपातळीवर नावलौकिक होईल अशी अपेक्षा नवनियुक्त आरोग्य निरीक्षक मुकेश अहिवळे यांच्याकडून होत आहे.