फलटण शहरात उद्या मंगळवार दि.२० मे रोजी सकाळी ९ वाजता तिरंगा रॅलीचे आयोजन – तहसीलदार डॉ.जाधव

फलटण प्रतिनिधी- मंगळवार दिनांक 20/ 5/25 रोजी सकाळी ठीक ९ वाजता फलटण शहरांमध्ये तिरंगा रॅलीचे आयोजन करण्यात आले असल्याची माहिती फलटणचे कार्यक्षम तहसीलदार डॉक्टर अभिजीत जाधव यांनी एका प्रसिद्धी पत्रकार द्वारे दिली आहे.

प्रसिद्ध दिलेल्या पत्रकामध्ये त्यांनी म्हटले आहे की, सातारा जिल्ह्याचे पालकमंत्री माननीय नामदार शंभूराजे देसाई यांच्या सूचनेनुसार संपूर्ण सातारा जिल्ह्यामध्ये ऑपरेशन सिंदूरच्या समर्थनार्थ भव्य तिरंगा रॅलीचे आयोजन करण्यात आले आहे.
या पार्श्वभूमीवर फलटण तालुक्यातून ऑपरेशन सिंदूर अंतर्गत व भारतीय सैन्याने केलेल्या उज्वल कामगिरीसाठी आणि त्यांच्या प्रती कृतज्ञता व्यक्त करण्यासाठी फलटण शहरातून मंगळवार दिनांक २० मे २०२५ रोजी सकाळी ठीक ९ वाजता भव्य तिरंगा रॅलीचे आयोजन केले असून सदरची रॅली तहसील कार्यालय, महात्मा फुले चौक, गजानन चौक, उमाजी नाईक चौक, महावीर स्तंभ, डॉ. बाबासाहेब आंबेडकर चौकातून  छत्रपती शिवाजी महाराज चौक या ठिकाणी या रॅलीचा समारोप करण्यात येणार आहे.
तरी फलटण शहरातील सर्व सामाजिक संघटनांनी, युवक युवती व सर्व सामान्य नागरिकांनी या रॅलीत बहुसंख्येने सहभागी व्हावे असे आवाहनही तहसीलदार डॉ. अभिजीत जाधव यांनी केले आहे.