श्री. संतश्रेष्ठ ज्ञानेश्वर माऊली सोहळ्याचे फलटण नगरीमध्ये सहर्ष स्वागत- श्रीमंत रामराजे ना. निंबाळकर

फलटण प्रतिनिधी- साधूसंत येती घरा, तोची दिवाळी दसरा, या उक्तीप्रमाणे संतश्रेष्ठ श्री. ज्ञानेश्वर महाराज पालखी सोहळा आज रामनगरी असलेल्या फलटण शहरात बाणगंगेच्या काठी भक्तिमय वातावरणामध्ये आज विसावतो आहे.
या सोहळ्याचे फलटण नगरीमध्ये सहर्ष स्वागत करतो अशा आशयाची पोस्ट श्रीमंत महाराष्ट्र राज्य विधान परिषदेचे माजी सभापती तथा आमदार श्रीमंत रामराजे नाईक निंबाळकर यांनी आपल्या स्टेटस द्वारे टाकली आहे.

आपल्या पोस्टमध्ये श्रीमंत रामराजे म्हणतात की,
पालखी सोहळ्यात अगदी संस्थान काळापासून नाईक निंबाळकर कुटुंबीय व फलटणकर अतिशय भक्तिमय वातावरणात सहभागी होत असतात. वारकरी सुद्धा या आनंदयात्रेत मोठ्या उत्साहाने, आनंदाने सामील होतो.
महाराष्ट्राच्या संतपरंपरेचा वसा आणि वारसा पुढे नेणाऱ्या तमाम वारकरी माऊलींना वंदन करतो. वारीची परंपरा हे आपलं आध्यात्मिक, सांस्कृतिक वैभव आहे. विठ्ठल नामाचा जल्लोष करुन भक्तीरसात तल्लीन होणाऱ्या तमाम वारकरी बांधवांचे फलटण नगरी मध्ये मनापासून स्वागत आपल्या पोस्टमध्ये म्हटले आहे.