सदगुरू हरिबाबांचा आज १८३ वा प्रकट दिनानिमित्त पांडुरंग गुंजवटे यांच्या शुभहस्ते आरती व पुजन

फलटण प्रतिनिधी – फलटणकरांचे आराध्य दैवत, अवलिया सत्पुरुष श्री. हरिबाबांचा अश्विन शुध्द १२ म्हणजेच गुरुवार दि.२६/१०/२०२३ रोजी प्रकट दिन संपन्न होत आहे. यानिमित्त फलटण नगर परिषदेचे माजी नगराध्यक्ष पांडुरंग गुंजवटे यांच्या शुभहस्ते आज सद्गुरु हरिभाऊ महाराज यांची आरती संपन्न झाली. याप्रसंगी महाराजा मल्टीस्टेट को-ऑपरेटिव्ह संस्थेचे चेअरमन तेजसिंह भोसले, बारामती नगर परिषदेचे माजी नगर अभियंता जीवन केंजळे, एडवोकेट मिलिंद लाटकर, चंदू वादे, शंकराव गुंजवटे, संभाजीराव नाईक निंबाळकर, मदनलाल करवा इत्यादी मान्यंवर उपस्थित होते.

प्रकट दिनानिमित्त विजयादशमी दिवशी श्रीमंत रामराजे ना.निंबाळकर यांचे शुभहस्ते सदगुरु हरिबाबांच्या रथाचे पुजन होऊन प्रकट दिन कार्यक्रमास सुरुवात झाली होती. बुधवार दि.२५ रोजी राञी ८ वाजता कोल्हापुरच्या सुश्राव्य अशा संतकृपा सोंगी भजनी मंडळाचा भजनाचा कार्यक्रम संपन्न झाला.

आज सदगुरु हरीबाबा महाराज यांच्या रथापुढे फलटण नगरपरिषदेचे माजी नगराध्यक्ष पांडुरंग गुंजवटे व इतर मान्यवरांच्या शुभ हस्ते श्रीफळ वाढवुन सदगुरु हरिबाबांचा रथ फलटण नगर प्रदक्षिणे साठी रथाचे प्रस्थान झाले.

महतपुरा पेठ-उघडा मारुती मंदिर-छञपती शिवाजी महाराज चौक-सदगुरु ऊपळेकर महाराज मंदिर-ऊमाजी नाईक चौक-शिवशक्ती चौक-श्रीराम मंदिर-गजानन चौक-तेली गल्ली -मारवाड पेठ-बारस्कर चौक-शुक्रवार चौक-शंकर मार्केट-बुरुड गल्ली -पाच बत्ती चौक या मार्गाने रथयाञा जाईल व सायं ७ ला सदगुरु हरिबाबा मंदिर येथे पोहोचल्या नंतर आरती होऊन सर्व भक्तानां महाप्रसाद वाटप करण्यात येईल .
सर्व भावीक भक्तांनी रथ सोहळ्यात सहभागी होऊन सदगुरु हरिबाबा महाराज सेवेचा लाभ घ्यावा असे सदगुरु हरिबाबा देवस्थान ट्रस्ट व रथोत्सव समीतीने आवाहन केले आहे .