लायन्स क्लब फलटणच्या माध्यमातून स्वातंत्र्य दिनानिमित्त रक्तदान शिबिर व बॅडमिंटन स्पर्धेचे आयोजन- ला.जगदिश करवा

फलटण प्रतिनिधी- भारतीय स्वातंत्र्य दिनाचे औचित्य साधून फलटण लायन्स क्लब यांच्या वतीने रक्तदान शिबिराचे व महिला डॉक्टर यांच्या बॅडमिंटन स्पर्धेचे आयोजन करण्यात आले होते.

लायन्स क्लब फलटणचे नूतन अध्यक्ष जगदीश लायन जगदीश करवा व त्यांच्या सर्व सहकारी यांच्या पुढाकारातून हे रक्तदान शिबिर आयोजित करण्यात आले होते तसेच महिला डॉक्टरांसाठी स्पर्धेचे आयोजन करण्यात आले होते.
यावेळी बोलताना लायन जगदीश करवा म्हणाले की, लायन्स क्लब ही जागतिक पातळीवर काम करणारी एक अग्रगण्य सामाजिक संस्था म्हणून गणली जात असून यंदाच्या वर्षी फलटण लायन्स क्लबचे अध्यक्ष होण्याची मला संधी मिळाली आहे. या संधीचे सोने करण्याच्या उद्देशाने यंदाच्या वर्षी लायन्स क्लब फलटणच्या माध्यमातून विविध समाज उपयोगी उपक्रम राबविले जाणार आहेत.
याप्रसंगी फलटण लायन्स मुधोजी आय हॉस्पिटलचे चेअरमन लायन अर्जुन घाडगे लायन सुहास निकम इत्यादी मान्यवर याप्रसंगी उपस्थित होते.