महिलांच्या विक्रमी गर्दीत रक्षक रयतेचा न्यूज व महिला मंच आयोजित महाभोंडला व महादांडीया स्पर्धा संपन्न

फलटण आस्था टाईम्स वृत्तसेवा:रक्षक रयतेचा न्यूज व महिला मंच तर्फे माळजाई मंदिर येथे नवरात्रीनिमित्त भव्य महाभोंडला,भव्य दांडिया आणि पाक कला स्पर्धा मोठ्या उत्साहात संपन्न झाल्या. या निमित्ताने माळजाई परिसर गर्दीने फुलून गेला होता. या कार्यक्रमाला महिलांनी विक्रमी गर्दी केली होती.
रक्षक रयतेचा न्यूज व महिला मंच, गगनगिरी ज्वेलर्स फलटण,लायन्स क्लब माळजाई मंदिर उद्यान समिती फलटण व नंदाज युनिक किचन फलटण यांच्या संयुक्त विद्यमाने नवरंग नवरात्री फोटो स्पर्धा महिलांसाठी ठेवण्यात आली होती. त्याचप्रमाणे पाककला स्पर्धा उपासाचे पदार्थ आयोजित करण्यात आली होती यामध्ये प्रथम क्रमांक सौं शीतल विखे पाटील, द्वितीय क्रमांक सौ अश्विनी कदम, तृतीय क्रमांक सौ राजश्री गुळवणी यांना मिळाला. या स्पर्धेसाठी परीक्षक म्हणून सौं प्रिया धुमाळ, सौं वनिता जगदाळे यांनी काम पहिले. फलटण मधील महिलांसाठी महाभौंडला व मोफत दांडिया सुद्धा आयोजित करण्यात आल्या होत्या त्यालाही मोठा प्रतिसाद महिलांचा मिळाला.सौ. रेवती गोसावी,सौ. सारिका गुजर,सौ. भाग्यश्री क्षीरसागर यांनी महाभोंडला घेतला.

या विविध कार्यक्रमाच्या निमित्ताने कार्यक्रम स्थळी माजी जिल्हा परिषद अध्यक्ष संजीवराजे नाईक निंबाळकर, केबी उद्योग समूहाचे प्रमुख सचिन यादव आणि सौ. सुजाता यादव, लायन्स क्लब प्रांतपाल डिस्ट्रिक्ट ३२३४ डी १ डॉ. वीरेंद्र चिखले, गगनगिरी ज्वेलर्सचे प्रमुख रविराज शहाणे, लायन्स क्लबचे अध्यक्ष महेश साळुंखे, निखिल सोडमिसे, स्वप्नील सोडमिसे, उद्योजक भोजराज नाईक निंबाळकर माळजाई उद्यान समितीचे अध्यक्ष प्रमोद निंबाळकर, दिलीप शिंदे, विजय पाटील महेशशेठ गरवालिया, सौ. निलम पाटील यांनी भेट दिली.

यामध्ये नऊ रंगातील साडीच्या वेशभूषेतील फोटो स्पर्धेमधील सर्व सहभागी महिलांना देखील बक्षीस वितरण करण्यात आले. सदरचे बक्षीस वितरण गगनगिरी ज्वेलर्सच्या सौं मोनाली रविराज शहाणे यांच्या हस्ते करण्यात आले.
कार्यक्रम यशस्वी करण्यासाठी रक्षक रयतेचा इव्हेंट टीमचे सौं असिफा शिकलगार, सौं रूपाली कचरे, सौ नंदा बोराटे, निता दोशी, सौ मनीषा घडिया, सौं प्रियांका सस्ते, सौ सुवर्णा शिंदे, सौं अनुराधा रणवरे, उज्वला गोरे, सौं सविता गायकवाड, सौं लता बोराटे, सौं. नसरीन शिकलगार, सौं तृप्ती धनवडे, सौं रुपाली शेंडे, रक्षक रयतेचा न्यूज चे संपादक नसीर शिकलगार, प्रशांत धनवडे, कमलेश भट्टड तात्या गायकवाड, नामदेव शिंदे, प्रशांत दोशी, वैभव शेंडे, उद्धव बोराटे, इम्तियाज तांबोळी, अभिषेक धनवडे यांनी परिश्रम घेतले. या कार्यक्रमासाठी गगनगिरी ज्वेलर्स, लायन्स क्लब माळजाई उद्यान समिती, नंदाज युनिक किचन यांचे अनमोल सहकार्य लाभले. सदर कार्यक्रमांसाठी मोठ्या प्रमाणात महिलांनी विक्रमी गर्दी केली होती. संपूर्ण माळजाई परिसर गर्दीने फुलून गेला होता.