संतश्रेष्ठ ज्ञानेश्वर माऊली माऊलीच्या स्वागतासाठी फलटण शहर सज्ज – मुख्याधिकारी निखिल मोरे

संतश्रेष्ठ ज्ञानेश्‍वर महाराज पालखी सोहळ्याचे आळंदी येथून दि. १९ जून २०२५ रोजी प्रस्थान झालेले असून हा सोहळा दि. २८ जून २०२५ रोजी फलटण मुक्कामी येत आहे. या पार्श्‍वभूमीवर फलटण नगरपालिका मार्फत कराव्या लागणाऱ्या सोयी सुविधा याबाबतची चालू  असलेली आणि झालेली कामे याबाबतीत माहिती देताना फलटण नगर परिषदेचे मुख्याधिकारी निखिल मोरे म्हणाले माऊलींच्या आगमनासाठी फलटण शहर सज्ज असून त्या अनुषंगाने कराव्या  लागणाऱ्या सर्व त्या सोयी सुविधा पुरवण्यासाठी  आम्ही तत्पर आहोत. 

पालखी आगमनाच्या पार्श्‍वभूमीवर फलटण पालिकेकडून सुरु असलेल्या पूर्वतयारीबाबत माहिती देताना निखील मोरे यांनी सांगितले की, शहरातील रस्त्यांच्या डांबरीकरणाबाबत सार्वजनिक बांधकाम विभागाकडे तसेच भारतीय राष्ट्रीय राजमार्ग प्राधिकरणाकडे पालिकेकडून पाठपुरावा करण्यात आला असून वेळोवेळी झालेल्या पावसाच्या अडथळ्यातून पालखी मार्गाची आणि वाहतुकीच्या मार्गाची तात्पुरती डागडुजी पूर्ण होत आलेली आहे. नुकत्याच झालेल्या अतिवृष्टीमुळे शहरातील पुलांचे तुटलेले रेलिंग तातडीने बसवण्यात आले असून नदीपुलावरून चालताना वारकरी यांना कोणताही धोका होणार नसल्याची दक्षता घेतली आहे.

पालखी मार्गावरील दगड माती उचलण्याचे आणि स्वच्छता करण्याचे काम युद्धपातळीवर चालू असून यासाठी स्वतंत्र टीम नेमण्यात आलेली आहे.वारकर्‍यांसाठी पाण्याची सोय म्हणून शहरातील प्रत्येक प्रमुख चौकात एक पाणपोईची व्यवस्था करण्यात येणार आहे. वारकर्‍यांचे पाण्याचे टँकर भरण्यासाठी पालिकेच्या पाणी पुरवठा केंद्रावर कायमस्वरूपी सुविधा उपलब्ध देण्यात आली आहे, याठिकाणी एकाच वेळी 8 पाणी टँकर भरू शकतील अशी व्यवस्था असून एक 10 हजार लिटर टँकर 7 ते 8 मिनिटे मध्ये भरून होईल,असे मुख्याधिकारी निखील मोरे यांनी नमूद केले आहे.

वाहतूकीचे नियोजन करण्यासाठी वारकर्‍यांचे माल वाहतूक ट्रक व अन्य वाहनांसाठी विशेष मार्गाची आखणी केली जात आहे, असेही मुख्याधिकारी निखील मोरे यांनी सांगितले आहे.

पालखी तळावर पावसामुळे अडचण निर्माण होवू नये यासाठी मुख्य रस्ता डांबरीकरण करणेत आले असून साईड पट्टी मुरुमाने भरण्यात आल्या आहेत. 2 जेसीबी आणि 2 ट्रॅक्टर तसेच 50 कर्मचारी यांच्या मदतीने पालखी तळाची स्वच्छता अंतिम टप्पा मध्ये आहे, पालखी तळावरील विद्युत रोषणाई लाईटसाठी 8 सॅटेलाईट पॉईंट, छोट्या – मोठ्या जनरेटरची सुविधा उपलब्ध करून देण्यात आलेली आहे.पालखी तळावरील दर्शन बारीची व्यवस्था पूर्ण झाली आहे. तसेच पालखी तळावर तात्पुरत्या शौचालयाची स्नान गृहची सुविधा व त्याठिकाणी लाईटची सुविधा देण्यात येणार आहे, असेही प्रसिद्धीपत्रकात स्पष्ट करुन वारकर्‍यांची फलटण शहरात गैरसोय होणार नाही यासाठी फलटण पालिका सर्वतोपरी खबरदारी घेणार असल्याचेही निखील मोरे यांनी सांगितले आहे.

पडणाऱ्या पावसाचा जोर पाहता यावर्षी पालखी तळावर लाल माती ऐवजी कमी जाडीची कच टाकण्याचे नियोजन केले असून पालखी सोहळा सुखकर होण्यासाठी ठीक ठिकाणी barricating करण्यात येत आहे.

यावर्षी प्रथमच जर्मन मंडप च्या माध्यमातून वारकरी सेवा केंद्र y c college याठिकाणी उभे करण्यात आले असून 150 डॉक्टर यांच्या सहाय्याने या ठिकाणी वारकरी सेवा करण्यात येणार असून महाराष्ट्र शासनाच्या वतीने सदरचे केंद्र उभे झाले आहे. याठिकाणी महिला आणि पुरुष वारकरी यांचे साठी स्नान गृहची उभारणी युद्ध पातळीवर चालू आहे. पालखी तळ तेथे कोणत्याही प्रकारचे हातगाडे , हॉटेल लागणार नाहीत आणि पालखी आगमनाच्या वेळी गर्दी होणार नाही या साठी नगरपालिकांचे फिरते पथक तैनात असून पोलीस विभागाची मदत याकामी घेण्यात येत आहे.पालखी तळावर आरोग्य विभाग मार्फत छोटे तात्पुरते हॉस्पिटल आणि दवाखाना तयार करणेत येत असून या ठिकाणी हिरकणी कक्ष आणि वारकरी यांचे सेवा साठी 20 फिजिओथेरपी चे डॉक्टर्स तैनात असणार आहेत.